စပါးခွံလောင်စာသုံး လျှပ်စစ်ဓာတ်အားပေးစက်ရုံဖွင့်ပွဲ ကျင်းပ (Release No:18/2017)

   စပါးခွံလောင်စာသုံး လျှပ်စစ်ဓာတ်အားပေးစက်ရုံဖွင့်ပွဲအခမ်းအနားကို ၂၃.၃.၂၀၁၇ ရက်နေ့ နံနက် ၈ နာရီတွင် ပျဉ်းမနားမြို့နယ် မယ်ဇလီကုန်းကျေးရွာရှိ မြန်မာနိုင်ငံလယ်ယာစီးပွားရေး အများပိုင်ကော်ပိုရေးရှင်း လီမိတက်ဝင်းအတွင်း၌ ကျင်းပရာ ဒုတိယသမ္မတ ဦးဟင်နရီဗန်ထီးယူ တက်ရောက်ဖွင့်လှစ်ပေးခဲ့ပါသည်။

  ဖွင့်ပွဲအခမ်းအနားတွင် ပြည်ထောင်စုဝန်ကြီး ဒေါက်တာအောင်သူက ၂၀၁၇ခုနှစ်တွင် မြန်မာနိုင်ငံ၏ လျှပ်စစ်ဓာတ်အားအမြင့်ဆုံးလိုအပ်ချက်မှာ မဂ္ဂါဝပ် ၃၀၀၀ ခန့် ရှိလာနိုင်သည်ဟု ခန့်မှန်းထားကြောင်း၊ ထုတ်လုပ်နိုင်မှုမှာ ၂၈၅၆ မဂ္ဂါဝပ် ရှိသဖြင့် ၂၄၄ မဂ္ဂါဝမ် ဓာတ်အားလိုအပ်ချက် ဖြစ်ပေါ်နေပါကြောင်း၊ စပါးခွံလျှပ်စစ်ဓာတ်အားပေးစက်ရုံများကို ဆန်စက်များစွာတည်ရှိရာဒေသများတွင် တည်ဆောက်နိုင်ပါက ကျေးလက်ဒေသများ လျှပ်စစ်မီးရရှိလာနိုင်မည်ဖြစ်ကြောင်း၊ အလားတူစီမံကိန်းများ ဆောင်ရွက်မည်ဆိုပါက ၀န်ကြီးဌာနအနေဖြင့် လိုအပ်သည့်အကူအညီများကို ဥပဒေ၊ လုပ်ထုံးလုပ်နည်းများ နှင့် အညီ ကူညီပေးမည်ဖြစ်ကြောင်း ရှင်းလင်းပြောကြားခဲ့ပါသည်။

  မြန်မာနိုင်ငံလယ်ယာစီးပွားရေးအများပိုင်ကော်ပိုရေးရှင်းလီမိတက် ဥက္ကဌ ဦးချစ်ခိုင်က လျှပ်စစ်ဓာတ်အားထုတ်လုပ်မှုကို  စွန့်ပစ်ပစ္စည်းစပါးခွံမှ ထုတ်ယူသုံးစွဲခြင်းဖြစ်သည့်အတွက် မဟာဓာတ်အားလိုင်းမှ ဓာတ်အားရယူသုံးစွဲမှုကို လျှော့ချနိုင်မည် ဖြစ်ပါကြောင်း၊ စပါးခွံများ မီးရှို့ဖျက်ဆီးပါက သဘာဝပတ်ဝန်ကျင် ညစ်ညမ်းထိခိုက်ပါကြောင်း၊ ယခုစက်ရုံသည် စပါးခွံများကို စနစ်တကျ အဆင့်မြင့်နည်းပညာဖြင့် လောင်ကျွမ်းစေခြင်းဖြစ်သည့်အတွက် သဘာဝပတ်ဝန်းကျင်ထိခိုက်မှုကို လျော့ချနိုင်ပါကြောင်း၊ စက်ရုံမှ လျှပ်စစ်ဓာတ်အား သုည ဒသမ ၅ မဂ္ဂါဝပ် ထုတ်လုပ်နိုင်မည်ဖြစ်ပြီး ထုတ်လုပ်ရရှိသည့် လျှပ်စစ်ဓာတ်အားကို မြန်မာနိုင်ငံလယ်ယာစီးပွားရေးအများပိုင်ကော်ပိုရေးရှင်း လီမိတက်၏ ဆန်စက်လည်ပတ်ရာတွင် အသုံးပြုမည်ဖြစ်ကာ ပိုလျံဓာတ်အားကို အနီးဝန်းကျင်များသို့ ဖြန့်ဖြူးပေးနိုင်ရေး ဆောင်ရွက်သွားမည်ဖြစ်ကြောင်း တင်ပြခဲ့ပါသည်။

  ဂျပန်နိုင်ငံ Yanmar ကုမ္ပဏီမှ တာဝန်ရှိသူများက စပါးခွံလောင်စာသုံး လျှပ်စစ်ဓာတ်အားပေးစက်ရုံမှ လျှပ်စစ်ဓာတ်အားထွက်ရှိနိုင်မည့် မဂ္ဂါဝပ် နှင့် သဘာဝပတ်ဝန်းကျင်ညစ်ညမ်းမှု လျော့ချနိုင်မည့် အခြေအနေများကို ရှင်းလင်းတင်ပြခဲ့ပါသည်။ ထိုနောက် စပါးခွံလောင်စာသုံး လျှပ်စစ်ဓာတ်အားပေးစက်ရုံဖွင့်ပွဲအခမ်းအနားကို ကျင်းပရာ ပြည်ထောင်စုဝန်ကြီး ဒေါက်တာအောင်သူ၊ ဒေါက်တာသန်းမြင့်၊ မြန်မာနိုင်ငံလယ်ယာစီးပွားရေးအများပိုင်ကော်ပိုရေးရှင်းလီမိတက် ဥက္ကဌ ဦးချစ်ခိုင် နှင့် ဂျပန်နိုင်ငံ Yanmer ကုမ္ပဏီမှ တာဝန်ရှိသူများက ဖဲကြိုးဖြတ်ဖွင့်လှစ်ခဲ့ပါသည်။ ယင်းနောက် ဒုတိကသမ္မတ နှင့် တာဝန်ရှိသူများက စပါးခွံလောင်စာသုံးလျှပ်စစ်ဓာတ်အားပေးစက်ရုံအား စက်ခလုတ်နှိပ်ဖွင့်လှစ်ပေးကြပြီး စက်ရုံ၏ကမ္ပည်းမော်ကွန်းကျောက်စာကို အမွှေးနံသာရည် ပတ်ဖျန်ခဲ့ကြပါသည်။

  ထိုနောက် ဒုတိယသမ္မတသည် စပါးခွံလောင်စာသုံး လျှပ်စစ်ဓာတ်အားပေးစက်ရုံအား လှည့်လည်ကြည့်ရှုလေ့လာရာ တာဝန်ရှိသူများက လျှပ်စစ်ဓာတ်အားထုတ်လုပ်မည့် လုပ်ငန်းစဉ်အဆင့်ဆင့်အား ရှင်းလင်းတင်ပြခဲ့ပါသည်။ မြန်မာနိုင်ငံတွင် စပါးခွံများကို မြစ်ချောင်းများအတွင်း အလွယ်တကူ စွန့်ပစ်မှုကြောင့် ရေထုညစ်ညမ်းပြီး ရေနေသတ္တ၀ါများသေဆုံးခြင်း၊ စပါးခွံများကို ကွင်းပြင်တွင် မီးရှို့ခြင်းကြောင့် လေထုညစ်ညမ်းခြင်းများ ဖြစ်ပေါ်နေကြောင်း၊ စပါးခွံများပေါများစွာရရှိသည့် ဧရာဝတီတိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်းတိုင်းဒေသကြီး နှင့် ရန်ကုန်တိုင်းဒေသကြီးတို့တွင်လည်း စပါးခွံလောင်စာသုံး လျှပ်စစ်ဓာတ်အားပေးစက်ရုံများ တိုးချဲ့တည်ဆောက်နိုင်ရေး စီစဉ်နေကြောင်း နှင့် ဧရာဝတီတိုင်းဒေသကြီး ကျိုက်လတ်မြို့တွင် တည်ဆောက်နေသော ၂.၂ မဂ္ဂါဝပ် ထွက်ရှိမည့် စပါးခွံလောင်စာသုံး လျှစ်စစ်ဓာတ်အားပေးစက်ရုံ တည်ဆောက်မှုမှာလည်း ၉၉ ရာခိုင်နှုန်းခန့် ပြီးစီးနေပြီဖြစ်ကြောင်း သိရသည်။

  ယနေ့ ဖွင့်လှစ်ပေးလိုက်သည့် စပါးခွံလောင်စာသုံး လျှပ်စစ်ဓာတ်အားပေးစက်ရုံကို ဂျပန်နိုင်ငံ၏ နောက်ဆုံးပေါ် နည်းပညာဖြင့် တည်ဆောက်ထားပြီး လျှပ်စစ်ဓာတ်အား သုည ဒသမ ၅ မဂ္ဂါဝပ် ထုတ်လုပ်နိုင်မည် ဖြစ်ကြောင်း သိရသည်။

(Source - မတ် ၂၄ ၊ ၂၀၁၇ ၊ ကြေးမုံ)

BIGtheme.net Joomla 3.3 Templates
  • slider_001
  • slider_002
  • slider_003
  • slider_004
  • slider_005
  • slider_006
  • slider_007
  • slider_008
  • slider_009
  • slider_010