အင်ဒိုနီးရှားသို့ မြန်မာနိုင်ငံမှ ဆန်တန်ချိန် ၁၄၀၀၀ နီးပါး တင်ပို့ရောင်းချထားမှုမှ ကုန်ဖိုးငွေအချို့ကို ၂၀၁၆-၂၀၁၇ ဘဏ္ဍာနှစ်မကုန်ဆုံးမီ ရရှိနိုင်ရေး နှစ်နိုင်ငံပူးပေါင်းဆောင်ရွက်မည်

   အင်ဒိုနီးရှားနိုင်ငံသို့ မြန်မာနိုင်ငံမှ ဆန်တန်ချိန် ၁၄၀၀၀ နီးပါးတင်ပို့ရောင်းချထားမှုမှ ကုန်ဖိုးငွေအချို့ကို ၂၀၁၆-၂၀၁၇ ဘဏ္ဍာနှစ်မကုန်ဆုံးမီရရှိနိုင်ရေး နှစ်နိုင်ငံပူးပေါင်းဆောင်ရွက် သွားမည် ဖြစ်ကြောင်း မြန်မာနိုင်ငံလယ်ယာစီးပွားရေးအများပိုင်ကော်ပိုရေးရှင်းလီမိတက် (MAPCO) ၏ နှစ်ပတ်လည်အစီရင်ခံစာ အရ သိရသည်။

     မြန်မာ့တန်းမြင့် နှင့် တန်းလတ်ဆန်များအား အင်ဒိုနီးရှားနိုင်ငံသို့ တင်ပို့နိုင်ရေးအတွက် နှစ်နိုင်ငံအစိုးရအကြား ရေးထိုးထားသော MuO အရ မြန်မာနိုင်ငံဘက်မှ MAPCO သည် တန်ချိန် ၁၃၇၇၅ ကို ၂၀၁၆ခုနှစ် မတ် ၁၅ ရက် က အင်ဒိုနီးရှားနိုင်ငံ Teanjung Perk, Surabaya ဆိပ်ကမ်းသို့ တင်ပို့နိုင်ခဲ့ကြောင်း သိရသည်။ MAPCO အနေဖြင့် သင်္ဘောတင်ပို့မှု ကို ဆောင်ရွက်ခဲ့သော်လည်း နှစ်နိုင်ငံအစိုးရအကြား ဆောင်ရွက်ရမည့် အပင်ပိုးမွှားရောဂါနှင့်ပတ်သက်သော ကိစ္စများ၊ ဓာတ်ခွဲခန်းကိစ္စများ၊ အရည်အသွေးစစ်ဆေးမှု ကိစ္စ များ ပြီးပြတ်မှု မရှိသေးသောကြောင့် အင်ဒိုနီးရှားသို့ ရောက်ရှိသွားသည့် ဆန်များ ဆိပ်ကမ်းမှထုတ်ယူနိုင်ခြင်းမရှိဘဲ ကြန့်ကြာမှုများဖြစ်ပေါ်ခဲ့ပြီး ၂၀၁၆ခုနှစ် ဇူလိုင်လဆန်းတွင် ဆိပ်ကမ်းမှ ထုတ်ယူနိုင် ခဲ့ကြောင်း၊ ကုန်ထုတ်ယူချိန်တွင် ကုန်ပစ္စည်းများ၏ အရည်အသွေးမှာကောင်းမွန်သဖြင့် Bulog အနေဖြင့် လက်ခံခဲ့ကြောင်း သိရသည်။

     ထိုသို့ ကုန်ထုတ်ယူနိုင်ခဲ့သော်လည်း ကုန်ပစ္စည်းများအား ဆိပ်ကမ်းမှသတ်မှတ်ထားသည့် ခွင့်ပြုသည့်ကာလအတွင်း အချိန်မီထုတ်ယူနိုင်ခြင်းမရှိသည့်အတွက် ဆိပ်ကမ်းတွင် သိုလှောင် ထားရှိမှုနှင့် ဆိပ်ကမ်းဆိုင်ရာ စရိတ်စကအဖြစ် ဒေါ်လာ ၂ ဒသမ ၅ သန်းကို ကုန်ဝယ်ယူ Bulog က MAPCO မှ ရရန်ရှိသည့် ကုန်ဖိုးငွေများထဲမှ ဆိုင်းငံ့ထားကြောင်း သိရသည်။ အဆိုပါဆိုင်းငံ့ထားရှိသည့် ပမာဏအနက် ထိုက်သင့်သောငွေပမာဏကိုသာ ဖြတ်တောက်ပြီး ကျန်ငွေကို MAPCO အား ပြန်လည်ပေးချေရန်အတွက် လက်ရှိဘဏ္ဍာနှစ်မကုန်ဆုံးမီ အဆိုပါကိစ္စရပ်များအား ပြီးပြတ်နိုင်ရေးအတွက် အင်ဒိုနီးရှားနိုင်ငံဘက်မှ စီးပွားကူးသန်းဝန်ကြီးဌာန၊ ကုန်ဝယ်သူ Perum Bulog နှင့် လည်းကောင်း၊ မြန်မာနိုင်ငံမှ သက်ဆိုင်ရာ ဝန်ကြီး ဌာနများ နှင့် ပူးပေါင်းပြီး ဆောင်ရွက်သွားမည်ဖြစ်သည်။

 

Source - စာမျက်နှာ ၇ ၊  Daily Eleven (၂၀၁၇ ခုနှစ် ၊ ဇန်နဝါရီ ၄ ရက်)

BIGtheme.net Joomla 3.3 Templates
  • mapco_09092020_01
  • mapco_09092020_02
  • mapco_09092020_03
  • mapco_09092020_04
  • mapco_09092020_05
  • slider_001
  • slider_002
  • slider_003
  • slider_004
  • slider_005
  • slider_006
  • slider_007
  • slider_008
  • slider_009
  • slider_010